‘Berisha dhe Rama janë bashkë’, Bejko: Politika, e terrorizuar nga zgjedhjet në SPAK

Anëtari i Kryesisë në Partinë Demokratike, Roland Bejko deklaroi se politika shqiptare është e terriorizuar nga zgjedhjet e sotme në SPAK, ku drejtuesi i ri i këtij institucioni, u zgjodh Altin Dumani.

Në një intervistë për Euronews Albania, Bejko u shpreh se reagimi i ashpër i sotëm nga krydemokrati Sali Berisha dhe ai i kryeministrit Edi Rama kohët e fundit për SPAK-un, tregon se ata të dy janë bashkë.

“Ajo që më gëzoi shumë sot, ishin dy momente. Momenti i parë ishte kur pashë në një linjë, jo vetëm sot, por gjatë gjithë këtyre ditëve të fundit, atë që njihet si ‘Trekëndëshi i Bermudës’, jo pse e ka thënë Basha, që të paktën dy prej tre krahëve të ‘Trekëndëshit të Bermudës’, ishin shumë agresiv ndaj të gjithë procesit që po ndodhte dhe besoj kjo e detyroi edhe abasadoren amerikane të reagonte fort këto ditë, ku ajo ka kërkuar që të mos ndikohet procesi nga presione të ndryshme që vijnë nga politika apo krimi i organizuar.

Acarimi sot i zotit Berisha që ishte në kupën e qiellit si anjëherë tjetër dhe fakti që Edi Rama gjithë këto kohë nuk ka qenë i qetë, më bën të besoj se këta janë bashkë. Ajo lloj narrative që unë kam një vit e gjysmë që e artikuloj, politika shqiptare është bashkë dhe është e terrorizuar. Ka dy mënyra për ta larguar një klasë politike të vjetër të korruptuar. Njëra është që shumica e popullit të bëhet bashkë për ta larguar me votë dhe mënyra e dytë përmes drejtësisë, t’ua heqësh drejtësinë nga duart”, theksoi ai.

Altin Dumani është zgjedhur kreu i ri i SPAK-ut. Dumani mori 5 vota, ndërkohë Edvin Kondili 4 vota dhe 1 votë Adnan Xholi.

Në sallë mungonte 1 nga 11 anëtarët e KLP-së që votuan për zgjedhjen e kreut të ri të SPAK-ut.

Dumani i cili do të zërë vendin e Arben Krajës që nga e hëna e 19 dhjetorit, do të jetë në krye të SPAK-ut për 3 vitet e ardhshme.

LEXONI GJITHASHTU

• Analisti Bushati për kreun e ri të SPAK-ut: Yuri Kim doli më e fituar se Edi Rama
• ‘Diçka ndryshoi kur mbërriti Kim’, Bushati flet për zgjedhjen e kreut të SPAK-ut
• Altin Dumani zgjidhet kreu i ri i SPAK