Berisha: Do kemi kohë protestash, nuk ka votim me Ramën

Kryetari i Partisë Demokratike, Sali Berisha deklaroi se në vend do të ketë protesta të fuqishme.

Gjatë fjalës së tij në mbledhjen me kryetarët e PD në degët e Tiranës, Berisha u shpreh se me kryeministrin, Edi Rama nuk ka zgjedhje të lira.

“Ky njeri ka tejkaluar ligj e kushtetutë, norma morale dhe çdo gjë. Ky ka bërë shqiptarët të huaj në vendin e tyre. Vetë udhëton me charter, por shkolla në Kolonjë nuk ka banka. Jemi në betejë, secili demorkat e simpatizant duhet ta konsiderojë se jemi në betejë, kemi caktuar datën 12 si ditën e protestës më të fuqishme që ka njohur vendi.

Kjo do jetë kohë protestash, mos të kemi asnjë iluzion. Nuk ka votim me Edi Ramën. Ky na sfidoi haptas në Peshkopi, do ta bëjmë tërmet, cunam. Nuk e imagjinoni se çfarë klubi i neveritshëm është parlamenti shqiptar, nuk ka asnjë ligj e rregull, aty është turp të futesh, nuk respektojnë asgjë”, theksoi ai.

LEXONI GJITHASHTU

• ‘Do e shihni ditët e ardhshme’, Berisha: Kush prek logon e PD, i ka bërë keq hesapet
• ‘Opozitën s’e pengon asgjë për të fituar zgjedhjet’, Berisha i përgjigjet Alibeajt
• Partia Demokratike shkon e përçarë në zgjedhjet vendore të 14 majit