Ish-kryeministri Sali Berisha deklaroi gjatë një konference për media këtë të premte se Partia Demokratike dhe opozita, kanë kërkuar dhe do të kërkojnë zgjidhjen e çështjes së koalicioneve parazgjedhore.

Berisha e ka quajtur e mohimin e koalicioneve parazgjedhore si një shkelje të rëndë për partitë opozitare, veçanërisht për partitë më të vogla.

Megjithatë ai shtoi se përparësi absolute për PD-në ka vota e emigrantëve .

“Çështja e mohimit të koalicioneve parazgjedhore është denoncuar fuqishëm në rezolutat ndërkombëtare si një problem me të cilin Edi Rama ka dashur të dëmtojë me çdo kusht opozitën.

Sigurisht ne do e kërkojmë dhe e kemi kërkuar dhe insistojmë se ajo është një shkelje e rëndë për partitë opozitare.

Ndoshta partitë e mëdha më pak, por partitë e tjera i dëmton qartësisht….

Do rishqyrtohet, por nuk mund të them se do vendoset si kusht sepse ne i kemi dhënë përparësi absolute votën së diasporës, të cilën nuk e ka dashur Edi Rama, por merita e eksponentëve të diasporës që e çuan në Gjykatë Kushtetuese dhe e qëndrimeve tona.

Ajo votë të paktën është sanksionuar në ligj.

Ne jemi të vendosur të bëjmë çdo përpjekje për t’i shërbyer mundësimit të transparencës së saj”, tha Berisha.

LEXONI GJITHASHTU:

• “Betoni i ftohtë dhe pa ngrohje”, Berisha tregon kushtet e Salianjit në burg
• “Dosja 26/1”, Berisha: Është dosja e ferrit dhe tmerrit për Ramën dhe Ballën