“Berisha do zbatojë masën e sigurisë”, Ramaj: Ku qëndron nëse i jepet arrest shtëpie

Avokati Redi Ramaj tha në një intervistë për Euronews Albania se Sali Berisha do ta zbatojë masën e sigurusë arrest shtëpie nëse ky është vendimi që do të marrë ndaj tij GJKKO të martën.

Ramaj sqaroi se me procedurë, nëse Berisha thyen masën e sigurisë arrest shtëpie ndaj tij prokuroria do të kërkojë një masë më të rëndë, që është arrest shtëpie, gjë që siç tha nuk pritet të ndodhë.

“Arrest shtëpie do të thotë që do të qëndrojë në banesën ku jeton, ku është i regjistruar në gjendjen civile dhe ku ka disa kushte të caktuara për të jetuar. Kjo pasi nuk dihet se sa zgjat procesi. Nëse e thyen masën e sigurisë arrest shtëpie, prokuroria përcakton një masë sigurie më të rëndë. Mendoj se nuk do shkojmë deri në këtë skenar, është jo jonormal qoftë për Berishën, qoftë për prokurorinë.

Çdo politikan mund të ketë rezervat e tij për drejtësinë, por në një farë forme Berisha u është përgjigjur duke çuar avokatë, edhe pse në mënyrën si është sjellë lidhet me mënyrën si u vendos masa e parë detyrim paraqitje pa respektuar kuvendin”, tha avokati.

LEXONI GJITHASHTU:

• Berisha: Duan të më burgosin, por për të bërë këtë nuk kanë asnjë provë e as fakte
• Berisha: Edhe në Hënë po të më çojnë, unë do gjej mënyrë për të bërë opozitë