“Berisha-Gonzato”, ambasadori gjerman: Mbështesim qëndrimin e komisioneres Kos

Pas reagimit të Komisioneres së BE-së, Marta Kos, lidhur me deklaratat e Berishës ndaj ambasadorit Gonzato, ka reaguar edhe ambasadori gjerman në Tiranë, Karl Bergner.

Ai theksoi se ambasada gjermane mbështet deklaratat e Komisioneres Kos, duke theksuar se të drejtat e barabarta dhe ndalimi i diskriminimit në bazë të identitetit gjinor dhe orientimit seksual nuk janë interesa të caktuara, por janë thelbësore për të drejtat e njeriut dhe vlerat evropiane.

“Unë ndaj plotësisht mendimin e Komisioneres për Zgjerim të Bashkimit Evropian, Marta Kos. Të drejtat e barabarta dhe ndalimi i diskriminimit në bazë të gjinisë, identitetit gjinor dhe orientimit seksual nuk janë interesa të caktuara. Ato janë pjesë thelbësore e të drejtave të njeriut dhe e vlerave evropiane”, u shpreh Bergner.

Ky reagim vjen pas polemikave të shkaktuara nga Berisha, i cili në një seancë parlamentare kishte sfiduar ambasadorin Gonzato për qëndrimin e tij mbi projektligjin për barazinë gjinore.

Komisionerja Marta Kos gjithashtu ka reaguar ndaj deklaratave të Berishës duke theksuar rëndësinë e respektimit të të drejtave të barabarta dhe ndalimit të çdo forme diskriminimi, në përputhje me standardet evropiane.

LEXONI GJITHASHTU:

• Rama reagon pas Marta Kos për Berishën: Ju kërkojmë ndjesë, qentë le të lehin
• Berisha sulmoi Gonzaton nga Kuvendi, reagon Marta Kos: Sulm i papranueshëm