Berisha i kujtoi ‘Toyota Yaris’, përgjigjet Basha: Ka vetëm një dosje; ‘non grata’ jote nga SHBA

Kreu i PD, Lulzim basha iu përgjigj deklaratave të ish-liderit të kësaj partie, Sali Berisha i cili nga foltorja e Bilishtit e lidhi kryedemokratin me dosjen e shumëpërfolur të ‘Toyota Yaris’.

Përmes një postimi në rrjetet sociale, Basha i cilëson deklaratat e Berishës trillime e shpifje.

Sipas tij, ka vetëm një dosje dhe ajo është ‘non grata’ e Berishës në SHBA.

“Është kjo çështje që e detyron Sali Berishën të bjerë kaq poshtë me shpresën se do ta shndërrojë PD-në në mburojë të interesave personale. Nuk ka gjë më të ulët se të përdorësh demokratët dhe ndjeshmëritë e tyre si mish për top për hallin tënd personal”

Gjatë foltores së mbajtur sot në Bilisht, ish-kryeministri Sali Berisha foli mbi dosjen e “Toyota Yaris”. Ai tha se i ka kërkuar llogari Bashës për dekonspirimin e operacionit.