Berisha i përgjigjet Ramës: Nuk marrim pushtet me dhunë

Kryetari i Partisë Demokratike, Sali Berisha i është përgjigjur deklaratës së bërë një ditë më parë nga kryeministri Edi Rama, i cili tha se kjo forcë politike kërkon të marrë pushtetin me dhunë.

Gjatë fjalës së tij në mbledhjen me kryetarët e PD në degët e Tiranës, Berisha u shpreh se PD-ja nuk merr pushtet me dhunë, teksa shtoi se synimi është që shqiptarët të votojnë të lirë.

“Ky po krijon katastrofën. Ose ta rrezojmë këtë njeri që t’i tregojmë vendin, ose të ikim të gjithë dhe t’i lëmë vendin. Një gazetar i huaj thoshte; shqiptarët po e boshatisin vendin, do ngelen vetëm trafikantët dhe kriminelët. Jo nuk e braktisim ne vendin, do përzëmë Ramën.

Nuk shkojmë më tutje. Nuk marrim pushtet me dhunë ne. Ka nisur që tani, makineri shtetërore. Po e bërë do e paguash. Do e paguash shumë shtrenjtë. Këtë betejë po e bëjmë për votën, si idealist që shqiptarët të votojnë të lirë. Ky nuk do, thotë, vota jam unë”, theksoi kryedemokrati.

LEXONI GJITHASHTU

• Berisha: Do kemi kohë protestash, nuk ka votim me Ramën
• ‘Do e shihni ditët e ardhshme’, Berisha: Kush prek logon e PD, i ka bërë keq hesapet
• ‘Opozitën s’e pengon asgjë për të fituar zgjedhjet’, Berisha i përgjigjet Alibeajt