“Berisha ka paditur Blinken, qëndrimi juaj?”- Bardhi: Ku ndahem me ish-kryeministrin

Kreu i Grupit Parlamentar të Partisë Demokratike, Gazment Bardhi, është shprehur se sekretari amerikan i Shtetit, Anthony Blinken është i mirëpritur në Shqipëri.

Komentet Bardhi i bëri në emisionin “Now me Erla Mëhillin” në Euronews Albania, ku tha se padia e ish-kryeministrit Sali Berisha ndaj Blinken është çështje personale e tij.

Ai po ashtu tha se ndan qëndrime të kundërta me Berishën lidhur me sulmet ndaj drejtësisë dhe ndërkombëtarëve.

Pjesë nga diskutimi në studio:

Mëhilli: Çfarë qëndrimi do të mbani ju për vizitën e zotit Blinken në Tiranë, kur ai është i paditur nga kryetari i partisë tuaj?

Bardhi: Vizita e sekretarit të Shtetit nuk varet nga qëndrimet e mia. Miqtë janë të mirëpritur në Shqipëri, aq më tepër që bëhet fjalë për një zyrtar kyç të SHBA-ve. Vizita është një mesazh që mes dy vendeve tona ka një miqësi që do të shtrihet edhe për vite e vite me radhë. Kjo është një çështje personale e Berishës me të.

Unë kam patur një deklaratë publike ku kam përcaktuar dy qëndrime të ndryshme me Berishën. Së pari kam folur që nuk kemi betejë me drejtëinë, por e kritikojmë drejtësinë. Dhe për ndërkombëtarët. Për ekonominë, për përballjen me qeverisjen e Ramës, për këto biem dakord. Si shqiptarë i vetmi detyrim që kemi është t’i urojmë mirëseardhjen sekretarit të Shtetit. Edhe në 2012 sekretarja e shtetit zhvilloi vetëm një takim në këmbë 3-4 minuta me Ramën, që në atë kohë ishte kryetar opozite.

LEXONI GJITHASHTU:

• Hitaj – Bardhit: Ke bërë pakt me Berishën për të qenë kandidat për kryeministër
• “A do i marrësh deputetë Bashës?”- Bardhi: Jam në kontakt, kolegët t’i kthehen rolit