Berisha kërkon hetim ndaj Bashës: Të largohet çdo dyshim që lidh PD-në me fonde ruse

Kryetari i Partisë Demokratike, Sali Berisha kërkon hetim ndaj ish-kryedemokratit, Lulzim Basha në lidhje me financimet ruse që mund të ketë përfituar kjo forcë politike në vitin 2017.

Në një deklaratë për mediat, Berisha u shpreh se duhet të largohet çdo dyshim që lidh Partinë Demokratike nga fondet ruse.

“Duke u zotuar se do të ngremë një komision auditi, për të bërë transparencën e plotë, çfarë është e mundur nga ne, kërkoj hapjen e një hetimi të plotë për të larguar çdo dyshim që lidh PD-në me fondet ruse. Në këtë rast, garantoj shqiptarët dhe partnerët e Shqipërisë, se Partia Demokatike, ka qenë, është dhe do të mbetet parti e interesit kombëtar, vokacionit, orientimit euro-atlantik të kombit shqiptar.

Gjithashtu, Partia Demokratike dhe Sali Berisha ka denoncuar dhe kundërshtuar me protesta të fuqishme dhe dënon me forcën të madhe, orientimin serbo-rus të politikës së jashtme aktuale të Shqipërisë”, theksoi ai.

LEXONI GJITHASHTU

• Financimet ruse, Berisha: Basha më tha se ishin fonde nga diaspora, e besova
• PD dhe PS akuzohen për financime ruse, thotë Monika Kryemadhi