Berisha: Kuvendi sot ka ditën e turpit, Rama ka vënë në rrezik sigurinë e SHBA-së

Kreu i PD-së Sali Berisha një deklaratë për mediat tha se sot Kuvendi ka ditën e turpit pasi refuzoi kërkesën e  një grupi deputetësh për të diskutuar në lidhje marrëdhënien e kreut të qeverisë Edi Rama me ish-agjentin e FBI-së McGonigal.

Berisha lëshoi akuza ndaj kryeministrit duke thënë se ky i fundit me veprimet që ka bërë ka vënë në rrezik sigurinë e SHBA-së, NATO-së dhe BE-së.

“Sot Kuvendi ka ditën e turpit. Kuveni refuzon kërkesën më legjitime të  një grupe deputetësh për të zhvilluar një debat me urgjencë një çështje që ka tronditur deri në palcë vendet e lira. Imagjino se në çfarë afere është e implikuar Shqipëria. Imagjinoni ju se si ky kryeministër në veprimet e tij ka vënë në rrezik sigurinë e SHBA, NATO-së e BE. Një vrasës me pagesë mori para nga Rama për të vrarë opozitën shqiptare. Rama është sot njeriu më inkriminuar në Europë dhe më gjerë. Kam bindjen e thellë që drejtësia do të thotë fjalën e saj ndaj këtij krimineli. Por para saj duhet të flasin shqiptarët.  Rama trajtoi si aset privat shefin e FBI-së. Rama trajtoi si aset privat shefin e FBI-së”- tha ai.

LEXONI GJITHASHTU: 

• Balla: Hetimi për McGonigal është mbyllur, ka vetëm 1 të pandehur
• Berisha: Kuvendi sot ka ditën e turpit, Rama ka vënë në rrezik sigurinë e SHBA-së