Berisha-mbështetësve: I thatë “jo” presionit të mafias, dëshmuat se s’keni pengesa

Ish- kryeministri Sali  Berisha i cili që prej datës 30 dhjetor 2023, ndodhet në arrest shtëpie tha për demokratët simpatizantë, të cilët u mblodhën sërish poshtë pallatit të tij se në këto kushte të vështira ata kanë dëshmuar se nuk ka asnjë pengesë që mund ti ndalojë.

Duke folur me mikrofon nga dritarja e banesës së tij, Berisha u tha mbështetësve të tij se duke i thënë jo presionit, ata i kanë thënë jo përpjekjes për një Shqipëri pa opozitë dhe rithemeluan opozitën e kombit shqiptar.

Fjala e plotë e ish-kryeministrit Berisha::

Mirëmbrëma dhe një përshëndetje vëllazërore.

Ju shpreh ju sonte mirënjohjen time më të pakufishme, nderimin tim më të madh.

Sonte në shi, në kushte të vështira ju dëshmuat se nuk ka asnjë pengesë para jush, në kthesën tuaj, në një betejë pa kthim kundër të keqes së madhe që po rrënon çdo ditë qenien e kombit dhe që quhet, Edi Rama dhe regjimi i tij.

Miqtë e mi!

Në rast se mendojmë se çfarë është shpresa, ajo është rrezja që shpon çdo errësirë, çdo tunel dhe që jep dritë udhës që duhet të ndjekim.

Në të vërtetë, shpresa sot jeni ju, me qëndresën tuaj, të cilët keni vendosur të përballeni me diktaturën. Jeni të vendosur që të qëndroni si opozitarë të pamposhtur, të mbroni liritë, të drejtat më themelore, dinjiteti njerëzor, nga narkoshteti i Edi Ramës që po rrënon çdo ditë Shqipërinë e shqiptarët.

Dy vjet më parë me instinktin tuaj të lirisë, në ndjesinë më fisnike të njeriut, të dinjitetit të tij, kur e patë se opozita me program po tradhtohej, se Shqipëria po dënohej me një opozitë aleate të Edi Ramës, u ngritët fuqishëm në kushtet më të jashtëzakonshme dhe i thatë jo, prerjes në besë të idealeve demokratike të shqiptarëve.

I thatë jo, presionit, shantazheve të mafies së Xhorxh  Sorosit dhe mafies ndërkombëtare. I thatë jo përpjekjes për një Shqipëri pa opozitë dhe rithemeluat opozitën e kombit shqiptar, e cila bëri gjithçka për të dalë në shesh, për të lënë mënjanjë çdo mashtrim dhe gënjeshtër dhe ju tha shqiptarëve të vërtetën, se sot për vullnetin, votën, dinjitetin tuaj, ju keni një armik po kaq të egër sa në diktaturën më të zezë të të shkuarës komuniste.

Dhe ky armik është Edi Rama.

LEXONI GJITHASHTU:

• Berisha i izoluar në shtëpi, gazetarja: Kush po qëndron poshtë shtëpisë së tij
• Berisha i izoluar në shtëpi, gazetarja: Kush po qëndron poshtë shtëpisë së tij