Berisha mbledh Këshillin Kombëtar të premten

Kreu i Rithemelimit, Sali Berisha ka njoftuar mbledhjen e Këshillit Kombëtar të premten në orën 19:00.

Përmes një njoftimi të shpërndarë për mediat bëhet me dije se objekti i mbledhjes do të jetë fillimi i procesit të analizës për zgjedhjet e 14 majit dhe miratimi i dokumenteve si konkluzione të mbledhjes.

Berisha tha për mediat këtë të martë se raporti i “Rithemelimit” për farsën zgjedhore të 14 majit u është dorëzuar ndërkombëtarëve, do ju dorëzohet kancelarive perëndimore.

Ai tha se në këtë raport është drama e një kombi të cilit ju mohua e drejta e votës dhe se ky raport fakton se kryeministri Rama është angazhuar që ta bëjë atë procesin zgjedhor më të pabarabartë që Shqipëria kishte parë ndonjëherë nga viti 1990 deri më sot.

LEXONI GJITHASHTU:

• Berisha: Raporti për farsën zgjedhore të 14 majit u është dorëzuar ndërkombëtarëve
• Spahiu: Rama, Berisha dhe Meta mbrojnë njëri-tjetrin nga SPAK