Berisha: Me protestën tonë i shpëtojmë nderin dhe dinjitetin Shqipërisë 

Kryetari i PD, Sali Berisha zhvilloi pasditen e së enjtes një takim me banorë të njësisë nr.7 në Tiranë.

Në fjalën e mbajtur Berisha komentoi edhe vendimin e PD për të protestuar më 6 dhjetor ditën kur në Tiranë mbahet samiti i BE-Ballkani perëndimor duke theksuar me se me këtë protestë PD i shpëton nderin, fytyrën, dinjitetin, Shqipërisë dhe shqiptarëve.

“A nuk është Europa dhe bota që thotë se Shqipëria është vendi më i korruptuar në Europë. Nuk po e themi ne, por po e thonë institucionet e besimit të mirë Europiane dhe botërore. Atëherë çfarë do të bëjmë ne që kemi mysafir dinjitarët më të lartë të Europës; do të jemi në shesh për të ju thënë se i korruptuar është Edi Rama me qeverinë e tij dhe ne jemi antikorrupsioni shqiptar. Ne nuk jemi të korruptuar, por jemi viktima të këtij korrupsioni”, tha Berisha.

LEXONI GJITHASHTU:

• Berisha: Me protestën tonë i shpëtojmë nderin, fytyrën dhe dinjitetin Shqipërisë 
• Berisha: Nuk ka samit pa protestë, ne do të jemi në shesh