Berisha: Në sistemin TIMS janë zhdukur gjurmët e udhëtimeve të Ballës me trafikantët

Kreu i Partisë Demokratike, Sali Berisha është shprehur në një konferencë për mediat sistemi TIMS dhe MEMEX u shkatërrua me qëllim që të fshihte gjurmët e lidhjes së qeverisë me trafikantët.

Berisha nënvizoi se janë zhdukur gjurmët e udhëtimeve të Taulant Ballës 54 herë me trafikantë.

“Kurrë ndonjëherë Shqipëria nuk ka qenë më e pasigurt se këto ditë. Vetëm shkatërrimi i sistemit të TIMS dhe MEMEX. Qëllimi ishte të zhdukeshin gjurmët e lidhjes së qeverisë me trafikantët. Të zhdukeshin gjurmët e udhëtimit të Taulant Ballës 54 herë me trafikantë.
Një polic që ishte një lloj pengese, u largua në mënyrën më mafioze nga detyra e tij. Shqiptarët nuk morën vesh asnjë argument se pse kryepolici i vendit u largua nga detyra, përveç lidhjeve të Çuçit me Ramën. Përveç rënies së tij në hekurin e nxehtë. Ndaj dënoj me ashpërsi këtë akt. Dënoj qëndrimin, fshehjen që bën Edi Rama, Bledi Çuçi”, tha Berisha.

Kryeopozitari tha më tej se sigura e vendit është në rrezik si asnjëherë më parë.

“Ka çuar tani një zëdhënës të vetin, se atë shefin e SHISH e dërgoi për shkollim, se paska qenë pa shkollë ky Helidoni, dhe çoi këshilltarin e tij që nuk është marrë kurrë me shërbimet inteligjente. Pra, ka shtrirë tërësisht kontrollin ne çdo qelizë. Siguria është më në rrezik se asnjëherë. Shkalla e papërgjegjëshmërisë së tij është më e madhe se çdo herë. Pas çdo firme që vendos është një vjedhje e re. Pas çdo ligji që sjell në parlament, ka një grup interesi”, përfundoi ai.

LEXONI GJITHASHTU:

• Lejoi kalimin e paligjshëm të kufirit, pezullohet efektivja e policisë Durrës
• Në cilat vende po aplikohet ‘java me 4 ditë’
• Bizneset në Vlorë ankohen për punëtorë, të rinjtë zgjedhin emigracionin