Berisha nga Shkodra: Nuk votojmë asnjë kandidat të Ramës për president

Partia Demokratike nuk do të votojë asnjë kandidat për president të propozuar nga Edi Rama.

Kështu deklaroi ish-kryeministri Sali Berisha nga Shkodra, ku mori pjesë në ceremoninë përkujtimore për martirët e 2 prillit.

Berisha tha se Komisioni i Rithemelimit nuk do të propozojë asnjë emër, por përjashtoi në mënyrë kategorike votën për një kandidat të Ramës, që siç tha do të ishte njësoj si të çosh kopjen e tij në Presidencë.

“Ne jemi opozitë dhe nuk mund të propozoj emër. Nuk votojmë asnjë kandidat të Edi Ramës për president. Është njësoj si të çosh kopjen e tij në presidencë kopjen e tij. Rama vuan nga kompleksi i vdekjes. Edhe në gjumë ngrihet llahtar nga unë”, tha Berisha.

Disa ditë më parë, kreu i grupit parlamentar të Partisë Socialiste, Taulant Balla tha se konsultimet për presidentin e ri kanë nisur.

Mandati i Ilir Metës përfundon në 24 korrik 2022.

LEXONI GJITHASHTU:

• Berisha largohet nga seanca parlamentare, dënon sjelljen e Ramës
• Berisha: Do kem zyrë në PD, partia s’ka kryetar