Në emisionin “Review” të kësaj të shtunë u diskutua në lidhje me protestën e zhvilluar këtë pasdite nga Partia Demokratik, protestë e cila u mbajt me disa fjalime dhe pa një kaos të madh.

I ftuar në Euronews Alania, Gazetari Flogert Muça shprehu opinionin e tij lidhur me organizimin e kësaj proteste që sipas tij, nuk ishte në nivelin e duhur.

“Ishte një protestë e lodhur. Jemi 3 muaj para zgjedhjeve gjë që nuk zhvillohen protesta por mitingje, pra ishte një miting i mirëfilltë. Edhe fjalimi i Ilir Metës, fjalimi i Sali Berishës dhe ai i Fatmir Mediut kishin pika të programit të asaj se çfarë do të bëjnë kur të vijnë në pushtet. Ishte mirëfilltazi një hapje e fushatës”, tha Muça.

Ai shtoi se orari që u mbajt protesta ishte një tjetër pikë kyçe që e bënte këtë protestë si diçka jo të mirë organizuar. Gazetari theksoi se shqetësues ishte fakti që fjalimet e mbajtura kishin një mungesë entuziazmi, gjë që nuk duhet të mungojë në protesta apo mitingje.

“Ajo që më shqetësoi ishte se nisi shumë vonë. Kur je opozitë që ke 12 vite në pushtet dhe kë një qeveri me halle dhe ke bërë akuza, në orën 4:30 duhet të kesh sheshin plot dhe në orën 5 kur të paraqitet drejtuesi, atmosfera të jetë në maksimum. Unë pashë një mefshtësi për t’u mbledhur. Pashë një vonesë, një përtaci dhe një mungesë organizimi dhe ajo që ishte shqetësuese, ishte mungesa e entuziazmit në fjalimet e Metës dhe Berishës. Te ky i fundit nuk ishte më ovacioni dhe oshëtimat ku bulevardi gjëmon nga çfarë kemi parë deri më sot. Kjo ka treguar jo pak për atë që na pret në vazhdim”, tha Flogert Muça.

LEXONI GJITHASHTU:

• Berisha prezanton programin: Rroga mesatare do të jetë 1200 euro!
• Mbyllet protesta e PD, Berisha niset drejt Romës për takim me diasporën