“Berisha nuk ka asnjë parti”, Vokshi: Strukturë ilegjitime, s’e ka emrin askund

“Zoti Berisha nuk ka asnjë Parti Demokratike, ai është një strukturë ilegjitime që nuk e ka emrin askund”, kështu tha për Euronews Albania Indrit Vokshi.

Ish-anëtari i Këshillit Kombëtar të Partisë Demokratike shtoi se për të vërtetuar iligjitimitetin e berishës si kryetar bashkie mjafton të shiikojmë përpjekjet e tij për t’u futur në zgjedhje me anë të tre partive të tjera të drejtuara nga Ilir Meta, Vangjel Dule dhe Nard Ndoka.

“Zoti Berisha nuk ka asnjë Parti Demorkatike, nuk është kryetari i asnjë Partie Demokratike, është thjesht një strukturë ilegjitime, sepse nuk e ka emrin askund, nuk rezulton askund, as në regjistrin e partive politike, as në aktet legale të shtetit.

Është një strukturë e cila mbahet e bashkuar për shkak të pragmatizmit dhe urrejtjes. Dhe për ta vërtetuar këtë që them unë, që Sali Berisha nuk ka asnjë Parti Demokratike është fakti që ai sot në seli është në negociata me Ilir  Metën, me Vangjel Dulen dhe me Nard Ndokën për t’u futur me partitë e tyre”,- tha ish-anëtari i Këshillit Kombëtar të Partisë Demokratike, Indrit Vokshi.

LEXONI GJITHASHTU:

• Shtyhet për herë të tretë seanca për inceneratorin e Fierit
• “Vjosa pasuri e përbashkët me Greqinë”, Rama: Investojmë 80 mln dollarë