Berisha përshëndet deklaratën e KE: Protesta e 6 dhjetorit ka ngjallur interes

Kryetari i Partisë Demokratike, Sali Berisha ka përshëndetur deklaratën e Komisionit Evropian, që sipas tij, tregon se liderët e shteteve që do vijnë në Tiranë më 6 dhjetor për Samitin BE-Ballkani Perëndimor.

Në një deklaratë për mediat nga selia blu, Berisha u shpreh se protesta e 6 dhjetorit ka ngjallur interes të jashtëzakonshëm në Shqipëri, emigracion dhe kudo.

“Protesta e 6 dhjetorit ka ngjallur një interes të jashtëzakonshëm në Shqipëri, emigracion, disaporë dhe kudo. Por para se të adresoj thirrjen time, kam një falenderim të përzemërt për Komisionin Evropian, përfaqësinë e tij, me deklaratën e djeshme u dëshmuan shqiptarëve se ata vijnë këtu për mbështetjen e popullit shqiptar, vijnë këtu për mbështetjen e demokracisë në Shqipëri dhe natyrisht vijnë këtu, kanë përzgjedhur Tiranën, që është shumë e drejtë, për qëllimet e tyre gjeo-strategjike.

Thirrja dhe kërkesa që liritë dhe të drejtat e qytetarëve të respektohen, ishte thirrja më e shkëlqyer që morën Edi Rama dhe tellallët e tij, të cilët me reagimin e tyre të tmerruar nga protesta, të krijonin përshtypje se në këtë vend, se në Tiranë nuk po mblidhen kryeministra dhe presidentë të vendeve të lira, të zgjedhur me votë të lirë, por po mblidheshin diktatorë të gjithë botës dhe kjo mori Kjo mori përgjigjen përfundimtare me deklaratën”, theksoi kryedemokrati.

LEXONI GJITHASHTU

• Porti i Durrësit, Berisha: Rama po ndërton 12,600 apartamente për klientelën e tij
• E zbulon Spahiu: Basha po përgatit 5 kandidatë të fortë për zgjedhjet lokale
• Kreshnik Spahiu: Berisha të japë shpjegime, i besoi Bashës PD për tre mandate