Berisha prezanton Carën në Durrës: Jemi në mision hitorik, të rikthejmë pluralizmin

Ish-kryeministri Sali Berisha mori pjesë këtë të shtunë në prezantimin e Igli Carës, si kandidati i primareve për bashkinë e Durrësit. Në fjalën e tij Berisha tha se qytetarët e Durrësit, por dhe të gjithë Shqipërisë, janë në një mision historik, për të rikthyer pluralizmin në vend.

Berisha nënvizoi se Igli Cara do të jetë personi i cili do të ndryshojë Durrësin, por dhe do të kontribuojë në ndryshimin e gjithë Shqipërisë.

“Një mirënjohje të pakufishme ndaj jush për këtë manifestim madhështor, manifestim të fitores, mbështetjen e jashtëzakonshme për koalicionin ‘Bashkë fitojmë’, një mirënjohje të pakufishme durrsakëve dhe durrsakeve kudo që janë sot.

Mesazhi juaj në këtë ditë të shenjtë dy herë, ditë Ramazani, por edhe prag i Pashkëve, është një mesazh që tejkalon Durrësin dhe pushton mbarë Shqipërinë, është një mesazh fantastik, është një mesazh historik.

Mesazhi juaj është mesazhi i ndryshimit të Durrësit; mesazhi juaj është për mbarë shqiptarët, ndryshimi i Shqipërisë; mesazhi juaj është mesazhi i shpresës së pashuar te shqiptarët.

Rroftë Durrësi, rroftë Shqipëria!

Ne sot jemi këtu për idealet tona të lirisë, ne jemi sot këtu për idealet më fisnike të njeriut, për të mbështetur së bashku Igli Carën, kandidatin e lirisë, kandidatin e vullnetit tuaj, qytetarin shembullor, intelektualin e shkëlqyer, politikanin e urtë, të vendosur.

Është nder i madh për mua të paraqes këtu para jush Igli Carën, me bindjen më të thellë se Igli Cara me besimin tuaj, me votën tuaj, me mbështetjen tuaj do të dëshmohet një shërbëtor i përkulur përpara jush, një drejtues i përkushtuar përpara qytetarëve të Durrësit.

Igli Cara me mbështetjen tuaj do ndryshojë Durrësin dhe do ndikojë në ndryshimin e mbarë Shqipërisë.

Igli Cara, të gjitha potencialet e këtij rrethi të bekuar do i shndërrojë në shërbime dhe mirësi.

Më 14 maj, ju me Igli Carën, me një mision historik, do rivendosni në Durrës pluralizmin. Më 14 maj, ju me Igli Carën, do i thoni ndal të keqes.

Mençuria e durrsakëve fton çdo qytetar të këtij rrethi të votojë më 14 maj ndryshimin.

Një fjalë e urtë popullore thotë: e keqja nuk ka fund. Nuk ka të vërtetë më të hidhur se kjo. Por e keqja nuk ka fund kur burrat dhe gratë e virtytshëm qëndrojnë indiferentë ndaj saj.

Unë kam bindjen se me 14 maj ju do votoni për ndryshimin e Durrësit, ndryshimin e Shqipërisë”, tha Berisha.

LEXONI GJITHASHTU:

• Ngjela bën deklaratën e fortë: Berisha po shkon drejt ekstradimit
• Berisha: Fatura e proceseve në Arbitrazh mund të shkojë në 600 mln euro
• Përplasja Yuri Kim-Berisha, çfarë ndodhi? Lita komenton deklaratat e ambasadores