Berisha publikon denoncimin e pensionistëve: Ja si u mblodhën kartat e identitetit

Kryetari i Partisë Demokratike Sali Berisha ishte këtë të mërkurë në një konferencë për mediat ku ka denoncuar një tjetër episod që sipas tij dëshmon manipulimin e zgjedhjeve të 11 majit 2025.

Në një deklaratë pubvlike Berisha pretendon se qeveria ka mbledhur kartat e identitetit të pensionistëve në mënyrë që t’i pengojë ata të votojnë.

Ai shprehet se ky është një krim i organizuar nga Edi Rama dhe nga punonjës shteti të u7rdhëruar prej kryeministrit, ndërsa e dënon procesin zgjedhor të mbajtur në 11 maj duke e cilësuar atë “një farsë e shëmtuar elektorale”.

Berisha ka publikuar gjatë konferencës së mbajtur me gazetarët edhe një video ku pensionistët kanë denoncuar “mbajtjen peng” të kartave të identitetit.

Rasti i denoncuar:

Denoncuesi: Kush jeni, si e keni emrin?

Qytetari: Lodovik …

Denoncuesi: Lodovik kush …

Qytetari: Lodovik Rrethi.

Denoncuesi: A doni me votu nesër…

Lodovik Rrethi: Po inshalla…

Denoncuesi: A keni kartë?

Lodovik Rrethi: Jo. E kam kartën por na e ka marrë ai mjeshtri…

Denoncuesi: Si e ka emrin …

Lodovik Rrethi: Besmiri … te posta.

Gentian Ndoj: Kartën tënde kush e ka marrë?

Lodovik Rrethi: Besmiri.

Gentian Ndoj: Besmiri … Pse nuk ta kthen kartën Besmiri…

Lodovik Rrethi: Nuk di gjë, puna e tij. Ai nuk i hedh lekët ai…

Gentian Ndoj: A të duhet karta ty…

Lodovik Rrethi: Më duhet nesër, kismet …

Gentian Ndoj: Pse të duhet karta…

Lodovik Rrethi: Me votu.

Gentian Ndoj: Sa kohë ka që ta ka marrë kartën?

Lodovik Rrethi: Ka 1 javë.

Qytetarja: Marie Rrethi.

Denoncuesi: Sa vjeç je?

Marie Rrethi: 78.

Denoncuesi: Pensionin a e ke marrë

Marie Rrethi: Jo.

Denoncuesi: A don me votu nesër?

Marie Rrethi: Po nesër, për Zotin do të mi bin se s’bën more, s’ka ka ja man. Unë atë ja du.

Denoncuesi: Ç’ka?

Marie Rrethi: Kartat i du në shtëpi.

Denoncuesi: Kush ua ka marrë kartat …

Marie Rrethi: Ky Besi na i ka marrë.

Denoncuesi: Ku punon ai.

Marie Rrethi: Don lek.

Denoncuesi: Çfarë lekësh?

Marie Rrethi: Lekët e pensionit…

Denoncuesi: Tash sa kohë ua ka marrë kartat.

Marie Rrethi: Ka tash 1 javë, tash ni javë po them unë se, kartat janë marrë ma tepër.

Denoncuesi: Pra, ai ua ka marrë kartat dhe nuk ua kthen.

Marie Rrethi: Nuk i kthen, për s’gjallë nuk i kthen.

Denoncuesi: A keni shku me ja kërku kartat?

Marie Rrethi: Ka shku Liku, i kam thënë Likut, çfarë është mor kështu, thotë. Duhet me ja çu Luisit, Luis Lazrit, për me i pru te shpia.

Denoncuesi: E çfarë i ka thënë ai për kartat.

Marie Rrethi: I ka thënë du me ja çu asaj. Mi jep mor mu, i ka thanë kartat. Jo jo i ka thënë, do ja çoj atje, se do i çoj dhe lekët. As ka pru lekë, as ka pru karta.

Denoncuesi: Pra, ju s’keni kartë?

Marie Rrethi: Jo në shtëpi. Jo, jo atje i ka, ai vetë i ka marrë. Hala vaki s’më ka bë kështu.

Gentian Ndoj: Një rast flagrant ka ardhur nga fshati i Barbullushit, ku një denoncues është ankuar pranë Partisë Demokratike, sepse një punonjës poste, i cili shpërndan pensionet në Barbullush, Besmir Lepi u ka marrë kartën e identitetit dhe nuk ua rikthen.

Qytetarët pa kartën e identitetit nuk mund të votojnë, ndaj i bëj thirrje organeve kompetente, Policisë së Shtetit që të marrin masa ndaj këtyre personave sepse po kryejnë krime zgjedhore.

LEXONI GJITHASHTU:

• Sali Berisha paraqitet në SPAK pas kallëzimit të gjyqtares Irena Gjoka
• “Innovation Now”, Shqipëria prezantohet në VivaTech 2025, në Paris