Sali Berisha paraqitet në SPAK pas kallëzimit të gjyqtares Irena Gjoka

Kreu i Partisë Demokratike Sali Berisha është paraqitur paraditen e së martës në Prokurorinë e Posaçme ku është thirrur për të dëshmuar në SPAK, në lidhje me një kallëzimin të gjyqtares së GJKKO-së, Irena Gjoka.

Ashtu siç ka ndodhur edhe në paraqitjet e mëhershme të Berishës në SPAK ai është pritur nga mbështetës që thërrisnin emrin e tij.

Berisha u urdhërua nga prokurori i SPAK-ut, Elvin Gjokaj, që të paraqitej të martën, më 10 qershor, në orën 10:00, përpara hetuesit të Byrosë Kombëtare të Hetimit, Ardit Neli.

Sipas shkresës zyrtare, Berisha do të pyetet si person në dijeni për rrethanat, në kuadër të hetimit paraprak mbi kallëzimin e gjyqtares Irena Gjoka.

Në urdhër theksohet se në rast mosparaqitjeje, personi mund të shoqërohet me detyrim.

Gjyqtarja Irena Gjoka, qe ka ndjekur hetimet paraprake për çështjen e ish-kompleksit sportiv “Partizani” i ka dërguar SPAK një kërkesë, ku i kërkon që të hetoj deklarata e bëra publikisht nga Argita Malltezi dhe ka kërkuar që të verifikohen thëniet e Malltezit.

LEXONI GJITHASHTU:

• SPAK kërkon zgjatjen e hetimeve për Metën, avokati: S’kanë mbledhur asnjë provë
• Deputeti i zgjedhur i PS-së në Dibër, kallëzon në SPAK Xhelal Mziun