Berisha publikon videon ku pretendon se ndahen para për vota në zgjedhjet e 11 majit

Kryetari i Partisë Demokratike ishte këtë të hënë në një konferencë për mediat ku ka publikuar një video e cila sipas tij tregon se janë shpërndarë para për të blerë vota.

Ai u shpreh se qeveria nuk është mjaftuar vetëm me punësimin e mbi 10 mijë punonjësve për votë në qeverisjen lokale dhe qendrore, por sipas tij, ajo kaloi direkt dhe në blerje vote duke shpërndarë fshehtas para për zgjedhësit shqiptarë.

Berisha pretendon se momente të tilla janë filmuar nga qytetarët dhe janë dëshmi e krimit zgjedhor.

Narkoqeveria e kreut të organizatës kriminale, Edi Ramës, nuk u mjaftua me shpërndarjen e 76 milionë eurove, 100 euro për pensionist, në total 48 përqind të votuesve për blerjen e votës.

“Me dhurimin e 200 milionë eurove gjoba dhe kamata 2 ditë para zgjedhjeve. Nuk u mjaftua me firmosjen e dhjetëra mijëra lejeve të legalizimit, certifikatave të pronësisë. Me përdorimin e dhjetëra mijëra automjeteve, të gjitha të shtetit dhe pa asnjë lidhje me fushatat elektorale. Nuk u mjaftua me punësimin e mbi 10 mijë punonjësve për votë në qeverisjen lokale dhe qendrore, por ajo kaloi direkt dhe në blerje vote duke shpërndarë fshehtas para për zgjedhësit shqiptarë. Natyrisht shpërndarja e fshehtë e parave është vështirë të kapet sepse ata që kryejnë këtë krim elektoral, bëjnë çdo gjë që të fshihen gjurmët e tij dhe të mos dalë.

Megjithatë kamerat e qytetarëve syçelët kanë filmuar momentin kriminal të ndarjes së parave për vota. Dhe kjo jo të themi pas Dajtit apo në Mokër apo në Tropojë apo në zonat më të largëta. Jo, kjo në Tiranë, në Babrru dhe urdhëroni videon që do u paraqes sot para jush”,-u shpreh Berisha.

LEXONI GJITHASHTU:

• “Zgjedhje të lira, rruga drejt BE-së”, Berisha takon eurodeputetin Rihards Kols
• Berisha në Bruksel: Raporti i Komisionit të Jashtëm të PE denoncoi farsën elektorale