Berisha-Ramës: Do përballesh me revoltë nëse rrit çmimin e energjisë elektrike

Kryetari i Partisë Demokratike, Sali Berisha ka paralajmëruar kryeministrin Edi Rama, se do të përballet me revoltë popullore, nëse vendos për rritjen e çmimit të energjisë elektrike.

Në një deklaratë për mediat nga selia blu, Berisha u bëri thirrje qytetarëve shqiptarë për t’iu kundërvënë Ramës dhe qeverisë së tij.

“Nëse guxon të rrisësh çmimin e energjisë për konsumatorin, në mënyrë absolute do përballesh me revoltën më të fuqishme popullore që ka njohur vendi. Dhe unë i bëj thirrje qytetarëve shqiptarë, të përgatitemi me të gjitha mundësitë tona, ndaj këtiu njeriu që është i gatshëm të bëjë gjithçka kundër jush, vetëm e vetëm për të pasuruar veten, familjarët e tij.

Edi Rama mos luaj me çmimin e energjisë, përndryshe, Partia Demokratike, Fronti për Shpëtimin e Shqipërisë do organizojë një nga revoltat më të fuqishme që ka parë ndonjë vend”, theksoi Berisha.

LEXONI GJITHASHTU

• Berisha: Energjia elektrike po shndërrohet në shkop magjik i vjedhjeve nga Rama
• Qeveria i jep 160 mln euro KESH-it për blerjen e energjisë
• Energjia arrin 520 €/mwh, ezaurohet fondi që dha qeveria për importet e KESH