Berisha: S’ka ndodhur që deputetët të futen nga dritarja, kjo është fytyra e Ramës

Sali Berisha në një deklaratë për mediat komentoi përplasjes para Kryesisë së Kuvendit ku disa deputetë u futën nga dritarja e institucionit.

Ai theksoi se kjo gjë nuk ka ndodhur në historinë e botës duke shtuar se kjo është fytyra e vërtetë e Edi Ramës.

Më tej ai shtoi se betejën me Ramën do e vazhdojnë deri në fund.

“Opozita nuk përjashton asnjë hap, por ju e shihni që ajo po bën një betejë me një vendosmëri, e cila e futi parlamentin në klandestinitet.

E futi parlamentin në klandestinitet në kundërshtim të hapur me rregulloren e tij.

Sot parlamenti i Shqipërisë funksionon në Zoom, i cili parashihet në gjendje të jashtëzakonshme dhe në pandemi, asnjëherë tjetër.

… Opozita, ju garantoj se do vazhdojë betejën e saj gjer në fitoren e sigurt të kauzës së drejtë.

E provuan sot, sot mbyllën dyert në aktin më të turpshëm në histori për deputetët imunitarë, për të ardhur në zyrën e tyre.

Ata u futën nga dritarja, dështuan. Në historinë e botës nuk ka një rast të tillë. Kjo është fytyra e vërtetë e Edi Ramës.

… Betejën tonë do e vazhdojmë me regjimin e Edi Ramës. Garda e Republikës janë rrogëtarë për ne… por bëjnë gabimin më të madh që zbatojnë urdhra antiligjorë. Për këtë ua them.

Ata janë zyrtarë, janë njerëz, punonjës, të cilët në ligjin e tyre, si ata dhe policia, të gjithë, kanë një nen: nuk zbatohen urdhrat antiligjorë. Ua rikujtoj këtu. Nuk zbatojnë urdhra antiligjorë.

… Qytetarët janë të gatshëm për protestë, por siç e shihni e kemi marrë këtë me shembull personal.

Ata që do t’i thërrasin në protestë, duhet të japin njëherë shembullin e tyre personal të protestës dhe besoj se po e japim”-tha ai.

LEXONI GJITHASHTU:

• Përplasjet në Kryesi, reagon Meta: Dënoj me ashpërsi militarizimin e Kuvendit
• Berisha: Opozita po qëndron dhe do të qëndrojë e gatshme për çdo sakrificë