Berisha: Të hënën miratohet udhëzimi për primaret

Kreu i Partisë Demokratike, Sali Berisha deklaroi gjatë një komunikimi online me qytetarët se ditë e hënë do të miratohet udhëzimi për primaret.

“Ditën e hënë, Këshilli Kombëtar i PD miraton udhëzimin për zgjedhjet sipas primareve. Pra, primaret për kryetarët e bashkive do kenë kuadrin ligjor të gatshëm ditën e hënë. Kjo është një ngjarje e madhe për PD-në, sepse përmes primareve, shtrijmë pluralitetin drejt partisë”, u shpreh Berisha.

“Hapja e partisë është një kusht themelor. Po punohet me intensitet. Edhe vetë primaret janë një procedurë demokratike për hapjen e partisë, pasi do kenë mundësi të kandidojnë të gjithë ata që kanë projektin, formimin dhe reputacionin për t’u votuar si qytetarë të parë.
Krahas kësaj, po krijohen departamentet ku po angazhohen intelektualë të shquar dhe ekspertë të mirënjohur. Hapja ka nisur dhe do realizohet si kusht për fitoren e PD-së”, tha më tej kreu i PD-së.

LEXONI GJITHASHTU:

• Berisha zotohet se diaspora do votojë në zgjedhjet e ardhshme
• Berisha: Protestat e gjithëanshme, rruga për të shpëtuar Shqipërinë
• Partia e Lirisë po përpiqet të rregullojë marrëdhëniet me SHBA-në, thotë juristi