Berisha: Të rrisim ndjeshmërinë ndaj kancerit të gjirit

Sali Berisha ka mbajtur një aktivitet në kuadër të tetorit rozë, në mbështetje të vajzave dhe grave që përballen me kancerin e gjirit.

Ai ka bërë thirrje për rritjen e ndërgjegjësimit për këtë sëmundje, ndërsa e cilësoi këtë të fundit një armik të egër që merr çdo ditë në mënyrën më të pamerituar jetët e grave në çdo moshë.

“Kanceri është një armik i egër i njeriut, siç është sëmundja në tërësi, ndaj duhet luftuar, duhet ruajtur vetëdija e madhe konstante e përditshme kundër tij. Nga format e përhapura jo pak, është kanceri i gjirit, por ky lloj kanceri ka një raport të veçantë me kapjen, zbulimin e tij të hershëm. Dhe nëse ne rritim vetëdijen e vajzave, grave për rëndësinë e jashtëzakonshme për kapjen e hershme, ne shkojmë në kufijtë e shërimit, të fitores mbi të, e shpëtimit të jetës.

Fatkeqësisht procedurat e shoshitjes, të cilat duhet të ishin ndër më rutinoret nuk janë, ndaj mbeten format e kontrollit vetjak të vazhdueshëm me gjakftohtësi, me vëmendje në mënyrë që çdo ndryshim i dyshimtë të kapet në kohën më të parë,” – u shpreh Berisha.

LEXONI GJITHASHTU:

• Berisha kërkoi përjashtimin e gjyqtares nga çështja, shtyhet seanca në GJKKO
• Berisha zgjidhet lojtari i ndeshjes/ Empoli fiton ndaj Fiorentinës