Beteja për vulën/ Apeli përcaktoi trupën gjykuese, Alibeaj bën lëvizjen e papritur

Në Gjykatën e Apelit u hodh këtë të mërkurë shorti për shqyrtimin e çështjes së vulës së Parisë Demokratike.

Shorti caktoi gjyqtaren Elona Mihali në krye të trupës që do të shqyrtojë këtë çështje, ndërsa anëtarë do jenë Irida Kacerja e Astrit Kalaja.

Pas këtij vendimi, përfaqësuesi ligjor i grupimit Alibeaj i është drejtuar me një shkresë gjykatës së Apelit që të caktohet sa më parë seanca për t;i dhënë fund legjitimitetit në drejtimin e Partisë Demokratike.

Reagimi i përfaqësuesit ligjor të Partisë Demokratike, Indrit Sefa:

Gjykata e Apelit tashmë nuk ka asnjë pengesë për ti dhënë fund konfliktit gjyqësor për legjitimitetin e drejtimit të Partisë Demokratike.

Partia Demokratike i kërkon Gjykatës që të shqyrtojë sa më shpejt ankimin e paraqitur nga ana e saj. I ftojë të gjitha palët ti kërkojnë Gjykatës së Apelit të Juridiksionit të Përgjithshëm të shpallë dhe të gjykojë këtë çështje në një kohë sa më të shpejt.

Çdo vonesë tashmë është e pajustifikuar.

LEXONI GJITHASHTU:

• Caktohet gjyqtarja që do të shqyrtojë çështjen e vulës së PD-së
• Rikthimi i Berishës dhe një parti me dy vula, si nisi viti 2022 për PD-në
• PD në dyert e gjykatave, padia për vulën ende pa një datë shqyrtimi