Presidenti i SHBA, Joe Biden dhe zv.presidentja, Kamala Harris u zotuan të hënën të mbështesin punëtorët e sindikatave.
“Kamala beson si unë se sindikatat janë shtylla kurrizore e kësaj ekonomie. Ajo do të jetë një presidente historike pro sindikatës,” -tha Biden në fushatën e tij të parë me Harris në Pittsburgh, Pensilvani.
Duke i bërë jehonë Bidenit, kandidatja presidenciale e Partisë Demokratike, Harris tha se ata po luftojnë për të ndërtuar një ekonomi që funksionon për të gjithë njerëzit që punojnë dhe që ka qenë vizioni i lëvizjes punëtore.
Për zgjedhjet e ardhshme presidenciale të 5 nëntorit, Biden tha se Harris është e vetmja “zgjedhje racionale”.
“Unë i besoj asaj,” tha ai, duke përsëritur se zgjedhja e saj si kandidate e tij ishte “vendimi i vetëm më i mirë që mora si president i Shteteve të Bashkuara të Amerikës”.
LEXONI GJITHASHTU:
- Netanyahu nuk bën sa duhet për të liruar pengjet, Biden kritikon liderin izraelit
- Kamala Harris zotohet për qasje më të ashpër për imigracionin në SHBA
