Presidenti amerikan Joe Biden është takuar të shtunën në Varshavë me dy ministra të Ukrainës, atë të jashtëm dhe të mbrojtjes, në takimin e parë ballë për ballë me zyrtarë të lartë të vendit që prej fillimit të luftës.
Design by Euronews Balkans
Biden pritet të mbajë dhe një fjalim nga Varshava ku do të shpalosë qëndrimin e ‘botës së lirë’ kundër pushtimit të Ukrainës nga Rusia, konfirmoi Shtëpia e Bardhë.
Presidenti amerikan ka marrë pjesë në tre mbledhje urgjente gjatë tri ditëve të fundit, me krerët e Bashkimit Europian, NATO-s dhe trupat amerikane të vendosura në Poloni.
Me pushtimin e Ukrainës, të cilës i referohet si një ‘operacion special’, Putini ka sfiduar premtimet e dhëna nga Biden se do të përballej me autokratët, përfshi këtu presidentin rus dhe atë të Kinës.
Deri në momentin e rënies së regjimit komunist në 1989, Polonia ka qenë nën ndikimin e Bashkimit Sovjetik dhe anëtare e Traktatit të Varshavës. Sot, është shteti më i madh ish-komunist që është pjesë e Bashkimit Europian dhe NATO-s.
LEXONI GJITHASHTU: