Një ngjarje tragjike ka ndodhur në fshatin Mazhë e Vogël të Krujës, ku një elektriçist ka humbur jetën teksa ishte duke punuar në një banesë.

Ngjarja ka ndodhur paraditen e të mërkurës rreth orës 09:50.

Viktima, shtetasi me inicialet Y. Xh.,  u transportua menjëherë në qendrën shëndetësore, por fatkeqësisht mbërriti pa shenja jete.

Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes.

“Më datë 19.02.2025, rreth orës 09:50, në fshatin Mazhë e Vogël, duke punuar në banesën e shtetasit G. D.,ka rënë në kontakt me rrymën elektrike dhe për pasojë ka humbur jetën shtetasi Y. Xh., rreth 40 vjeç”, thuhet në njoftimin e policisë.

LEXONI GJITHASHTU:

• Durrës| Punëtori bie nga lartësia e një kantieri, shoqërohet përgjegjësi i punimeve
• E rëndë në Tiranë, punëtori bie nga ndërtesa dhe ndërron jetë