Bie nga lartësia e pallatit në ndërtim, ndërron jetë punëtori në Tiranë

Një 58-vjeçar ka ndërruar jetë këtë të martë në Tiranë pasi ka rënë nga lartësia e një pallati ku po punonte. Shtetasi me inicialet K.I., ra nga kati i 7 i një pallati në ndërtim në kryqëzimin e rrugës “Dërvish Luzha”, duke gjetur vdekjen e menjëhershme.

Policia dhe grupi hetimor ndodhen në vendngjarje dhe po punojnë për zbardhjen e rrethanave të rastit.

“Më datë 27.08.2024, në kryqëzimin e rrugës “Dërvish Luzha”, dyshohet se, aksidentalisht duke punuar, është rrëzuar nga lartësia e një pallati në ndërtim e sipër, shtetasi K. I., 58 vjeç, i cili si pasojë e dëmtimeve të marra, ka ndërruar jetë në vendngjarje”, thuhet në njoftimin e policisë.

LEXONI GJITHASHTU:

• Rrëzohen nga lartësia 2 punëtorë, arrestohen inxhinierët e objektit në Kamëz
• Bie nga lartësia e pallatit në ndërtim, ndërron jetë 58-vjeçari në Tiranë