Bie testi i së vërtetës, Gjykata Kushtetuese: I paligjshëm për vetingun në polici, pranohet vetëm në BKH

Gjykata Kushtetuese ka shpallur testin e poligrafit të papërshtatshëm për vetingun në polici, por nuk është marrë i njëjti vendim për kandidatët që i nënshtrohen vetingut në Byronë Kombëtare të Hetimit.

Ka qenë një padi e Komitetit Shqiptar të Helsinkit, e cila dilte në përfundimin se poligrafi cenon të drejtën e jetës private në kundërshtim me të drejtat e garantuara në Kushtetutë dhe si i tillë duhet shfuqizuar.

Testi i së vërtetës u aplikua gjatë garës për zgjedhjen e drejtuesit të BKH-së, duke u bërë shkak për shumë përjashtime.

Testi i poligrafit është përdorur në Shqipëri për përzgjedhjen e drejtuesit të Byrosë Kombëtare të Hetimit dhe për procesin e vetingun në polici.