Bien birësimet në 2021, Instat: 928 fëmijë në kujdes alternativ, 19 u birësuan

Numri i fëmijëve që mbeten pa familje dhe merren nën kujdesin e shtetit ka ardhur në rënie përgjatë viteve 2017-2021.

Sipas analizës së bërë nga instituti i statitstikave, shifrat e të miturve 0-17 vjeç që janë vendosur në shtëpitë e fëmijëve, në familje kujdestare apo të birësuar janë  ulur me 5%,  përkatësisht  nga 935 që ishte në vitin 2017 në 928 fëmijë në fund të vitit 2021.

Ekspertët vlerësojnë se numri I fëmijëve të vendosur në familjet kujdestare ka ardhur në rritje. Në vitin 2021 rezultojnë se 42% e fëmijëve janë të vendosur në familje kujdestare nga 34% që ishte në 2017.

Përkatësisht për 370 fëmijë është siguruar një familje alternative. Kjo formë përkujdesje ka çuar në uljen e numrit të  fëmijëve që qëndrojnë në qendra rezidenciale.

Në rënie ka ardhur edhe numri i fëmijëve të birësuar.  Gjatë vitit 2021, janë birësuar 19 fëmijë, shifër kjo rreth 27% më e ulët në krahasim me vitin 2020 dhe rreth 60% krahasuar me vitin 2017.

Kjo rënie e birësimeve  është ndjerë në të dyja gjinitë, me përkatësisht 33% më pak meshkuj dhe 18% më pak femra.

LEXONI GJITHASHTU:

• Ish-agjenti i FBI: Përmendja e Ramës në çështjen ‘McGonigal’ nuk e bën fajtor
• VIDEO| Forcat izraelite hyjnë në xhaminë Al-Aksa, qëllojnë me shkopinj besimtarët
• Eurostat: Të rinjtë shqiptarë të privuar nga dëshirat, vështirësi për qiranë