Big Market refuzon të punësojë vajzën se mbante shami

Tre ditë më pare u bë publik në media një rast diskriminimi mbi baza fetare ndaj një vajze në qytetin e Shkodrës. Elsa Llusha kishte aplikuar në kompaninë “Big Market” për pozicionin e punës si kontabiliste. Pasi u pranua, e njoftuan që për shkak të shamisë si besmitare myslimane i refuzohej vendi i punës.

E kontaktuar nga Euronews Albania Elsa Llusha u shpreh se e konsideron tashmë çështje të mbyllur.

Ndërkohë në reagimin e saj në rrjetet sociale ajo shkruan:
“Nisur nga eksperienca të ngjashme të ndodhura edhe besimtareve të tjerë në subjekte të ndryshme private ose institucione që nuk kanë guxuar ta bëjnë publike, zgjodha ta publikoj duke ditur vuajtjen që shkakton diskriminimi tek besimtaret”, shkruan ajo.

Ishte imami Ahmed Kalaja i xhamisë “Dine Hoxha” i cili bëri një postim për ketë rast, të cilin më pas e fshiu.

Një ditë më pas ai shkroi se rasti ishte zgjidhur dhe publikoi një takim me përfaqësues të Big Market. E gjithë kjo u shoqërua me komente të shumta se ky nuk është rasti i parë që kjo kompani diskriminon për shkak të bindjeve fetare.