Bilali: Maksimizimi i votës socialiste, synimi për të fituar qarkun Shkodër

Në Shkodër, Partia Socialiste synon maksimizim e votës socialiste për të fituar qarkun.

Kështu u shpreh në emisionin Now, kryesuesja politike e PS-së në Shkodër, Edona Bilali.

“Mendojmë se me kandidaten që kemi përzgjedhur (Majlinda Angoni) do e arrijmë këtë”, tha ajo.

Bilali tha për Majlinda Angonin se është kandidatura më natyrale për Shkodrën, pasi vjen nga shoqëria civile, është prefekte qarku në Shkodër dhe ka dhënë kontribut të veçantë për çështjen e barazisë gjinore.

Shkodra është cilësuar si beteja e fortë e politikës në zgjedhjet e 6 marsit, pasi edhe demokratët i ka gjetur të përçarë.

Në këtë bashki janë zyrtarizuar 2 kandidatë, Majlinda Angoni në radhët e Partisë Socialiste dhe Bardh Spahia i cili do garojë si pjesë e koalicionit  të Rithemelimit me LSI-në dhe Partinë Demokristiane.

Për pozicionimin e Partisë Social Demokrate të Tom Doshit në këto zgjedhje, Bilali u shpreh: “Kemi shpresë që të gjitha palët do dinë të zgjedhin ku do të kontribuojnë.

Bilali hodhi akuza edhe mbi kryetaren aktuale në detyrë Voltana Ademi, duke thënë se nuk ka punuar që të kërkojë investime nga qeveria.

Ajo përmendi rastin e rikonstruksioni të Bibliotekës, ku tha se “Ademi e ka penguar”.