Bileta e dytë për finalen, Man City pret Real Madrid. Ancelotti i frikësohet Haaland

Mancester Siti ka humbur vetëm 1 përballje ndaj Realit të Madridit në Ligë ne Kampionëve nën drejtimin e Pep Guardiolës. ‘The citizens’ numërojnë 3 fitore, 1 barazim dhe vetëm 1 humbje, ndërsa mbrëmjen e kësaj të mërkure mund të shkruhet historia.

Në 21:00 në Etihadh luhet përballja e dytë gjysmëfinale, ndërsa vetëm një biletë është në dispozicion. Të dyja skuadrat synojnë të shtojnë më tej trofetë në kabinetet e tyre, ndërsa kushdo që të fitojë, në finale do të ndeshet me Interin.

Trajneri i madrilenëve është shprehur se ndihet i emocionuar në prag të kësaj sfide vendimtare.

“Jam shumë i qetë, i emocionuar dhe me besim. Nesër e di ndjenjën dhe do të kem ndjenja të këqija, që Haland do të shënojë, që De Bryjn do të shënojë një gol nga jashtë… Do të duhet të mendoj për driblime të Vinit, se Karim do të shënojë… Nuk është e lehtë të arrish këtu dhe do ta shijojmë”, tha Anceloti.

Mungesa e vetme është Ake tek vendësit, ndërsa 14 herë kampionët e Evropës vijnë me organikën e plotë. Skuadra e Guardiolës është e pamposhtur në 25 ndeshjet e fundit në shtëpi në Ligën e kampionëve, ku ka 23 fitore dhe2 barazime. Përballja e së mërkurës i është besuar polakut Marçiniak.