Bisedë e ashpër me Kurtin, Vuçiç: Takimet në Berlin nuk ishin të lehta

Presidenti i Serbisë, Aleksandar Vuçiç e cilësoi të vështirë bisedën me kryeministrin e Kosovës Albin Kurti një natë më parë në Berlin, por refuzoi të jepte më shumë detaje, raporton Euronews Serbia.

“Është e kotë t’ju tregoj për detaje të tjera dhe të marr disa pikë politike, puna ime ishte të luftoj për Serbinë, unë do të vazhdoj ta bëj këtë”, u tha Vuçiç gazetarëve.

Mbrëmjen e së mërkurës pas takimit me kancelarin Olaf Scholz, Vuçiç takoi në një darkë informale kryeministrin e Kosovës Albin Kurti dhe të dërguarin special të BE-së për dialogun Beograd-Prishtinë, Miroslav Lajçak.

Në fund të vizitës së tij në Berlin, Vuçiç u shpreh se me gjithë bisedimet e vështira, është i kënaqur me interesimin e madh të qeverisë gjermane për bisedimet me Serbinë.

“Bisedimet nuk ishin të thjeshta, por jam i kënaqur me interesimin e madh të qeverisë gjermane për bisedimet me Serbinë. Ky është një lajm i rëndësishëm”, shpjegoi ai.

LEXONI GJITHASHTU:

• Kurti: Vuçiç nuk distancohet as nga Millosheviçi, as nga Putini
• Lajçak publikon foto nga darka me Kurtin e Vuçiçin: Diskutim rreth dialogut