Bletaria tërheq turistët drejt Korçës, të huajt të interesuar për rritjen e bletëve

Turistët e huaj kohët e fundit kanë shtuar interesin e tyre për fermat e bletarisë dhe drufrutoreve në bashkinë e Korçës

Një grup me turistë gjermanë kanë vizituar njërën prej fermave me të njohura të bletarisë në juglindje të vendit.

Vet turistët tregojnë se për ta kjo nuk është e panjohur, pasi në Gjermani bletrritja është një profesion me vete por ajo çka u bie në sy është trajtimi ndryshe i fermave shqiptare.

“Unë e njoh fushën e bletarisë, kam vet në Gjermani një të vogël, gjermanët janë të njohur për rritjen e bletëve por ju këtu jeni shumë ndryshe. Kosheret i keni me ngjyra, ju i shtegtoni ndërsa ne jo”

“Unë vij nga Amerika, nuk e njoh fushën e bletarisë por me tërhoqi shumë kur e pashë në guide dhe doja të vija. E provova dhe ishte shumë i shijshëm. Ju në Shqipëri keni plot gjerë për të treguar”

Shkëlzen Alite është përfaqësues i guidave turistike që operojnë në qarkun e Korçës. Ai tha se gjermanëve u bën përshtypje fusha e bletarisë në Shqipëri por edhe argotizmi në përgjithësi.

“Deri më sot janë ofruar këto kultura, ca përfaqëson Shqipëria. Turistët e njohin Shqipërinë dhe duan të shohin gjëra speciale, përveç detit. Edhe agroturizëm është shtuar interesi, gjermanët e mi kanë shumë interes, kur u themi në program se do vizitojmë fermë bletësh janë shumë të interesuar “

Ermal Benga, menaxher i një ferme bletarie shprehet se vitet e fundit është rritur interesi i turistëve të huaj për fermat e këtij lloji

“Po bën rreth 4 vite që turistët kane shfaqur këtë trend te ri, agjencitë e ofrojnë këtë shërbim, shumë turistë vijnë e shohin si funksionon bleta. Produktet dhe nënproduktet e saj, të shohin mënyrën si vilet mjalti, historikun e saj, I bëjmë një koktej me mjaltë autokton shqiptar, edhe në raki mjalti. Janë të impresionuar, kanë interes, vijnë dhe e shuajnë kureshtjen”.

Turistët e huaj kanë shfaqur interes edhe për të vizituar fermat drufrutore, kryesisht mollëve, turistë që bëhen pjesë e procesit të vjeljes së frutit.

LEXONI GJITHASHTU:

• U gjet i dhunuar në mes të rrugës në Tiranë, vdes 42-vjeçari nga Korça
• Terrorizoi banorët duke qëlluar me armë nga banesa, lirohet i moshuari në Korçë