Blinken thirrje për bashkëpunim Indi-SHBA: Janë dy demokracitë më të mëdha në botë

Sekretari amerikan i Shtetit Anthony Blinken deklaroi se SHBA-ja dhe India janë “dy demokracitë më të mëdha në botë” dhe se këto dy vende duhet të punojnë së bashku dhe të tregojnë se mund të përmbushin pritshmëritë e popujve të tyre.

Duke folur me gazetarët pas samitit të G20 në Indi, ai deklaroi se presidenti amerikan Joe Biden ishte “shumë qartë” kur i tha homologut të tij kinez Xi Jinping se në rast se Kina dërgon pajisje vdekjeprurëse në Rusi, ose angazhohet në evazion sistematik të sanksioneve për të ndihmuar Rusinë, kjo do të krijonte një problem serioz si për vetë Kinën, ashtu dhe për SHBA-në.

“Një javë më parë, i përcolla shqetësimin tonë kryediplomatit të Kinës, Wang Jiu, se në bazë të informacionit që kemi, Kina po shqyrton ofrimin e ndihmës ushtarake vdekjeprurëse për Rusinë dhe ia bëra të qartë se do të ketë pasoja nëse ai angazhohet në këto veprime”, tha Blinken.

LEXONI GJITHASHTU:

• Blinken dhe Lavrov takohen në samitin e G20
• Blinken kundër thirrjeve për armëpushim të pakushtëzuar në Ukrainë