Bllokuan foltoren dhe i ranë bilbilit në seancë, PS kërkon përjashtimin e deputetëve

Partia Socialiste ka kërkuar përjashtimin për 10 ditë nga seancat plenare të deputetëve të PD-së të cilët gjatë seancës së 2 shkurtit bllokuan foltoren e Kuvendit.

Në kërkesën drejtuar Kryatres së Kuvendit, PS kërkon përjashtimin e deputetëve Luçiano Boçi, Albana Vokshi, Ina Zhupa, Luan Baçi, Ervin Salianji dhe Tritan Shehu nën argumentin e bllokimit të foltores.

Ndërkohë për përdorimin e fjalëve fyese drejtuar Kryetares së Kuvendit dhe futjen në seancë të mjeteve të palejuara për të krijuara zhurma, PS kërkon përjashtimin për 10 ditë nga seanca të deputetëve Gazmend Bardhi dhe Bledion Nallbati.

LEXONI GJITHASHTU:

• Kuvendi seancë të pazakontë/ Deputeti i PD-së i bie bilbilit, Nikolla e paralajmëron
• Tensione dhe kaos në Kuvend, Bardhi përplaset me gardën. Përjashtohet nga seanca