Deputeti i Partisë Demokratike, Luçiano Boçi mbajti fjalën e tij në seancën maratonë të Kuvendit këtë të enjte.

Sipas tij kryeministri Rama deri më tani duhet të kishte dhënë dorëheqjen.

“Ky kryeministër e shndërroi kryeministrinë në një mejhane korruptive ku ndante pasuritë e shqiptarëve për benefitet e tij personale dhe politike dhe në rastin konkret të skandalit, për çfarë i bënte? Për një gjë të pamenduar, për të goditur dhe eleminuar opozitën dhe sistemin politik në Shqipëri. Megjithatë ky i sotmi nuk është një gjyq politik, ky është fillimi i një fundi politik dramatik të një kryeministri i cili nën avujt e çmendurisë projektoi dhe veproi për eliminimin e sistemit politik në Shqipëri,” – u shpreh Boçi.

Seanca maratonë e kësaj të enjteje pritet të zgjasë gati 24 orë. Do të zhvillohet mocioni me debat për kryeministrin Edi Rama sa i takon çështjes McGonigal.

Grupi parlamentar i PS-së do të ketë 750 minuta në dispozicion ndërsa PD-ja do të ketë 350 minuta.

LEXONI GJITHASHTU:

• Debati McGonigal në Kuvend, Rama zgjedh të dëgjojë opozitën krah Pandeli Majkos
• Berisha: Veprimtaria Rama-McGonigal ka degëzime të mëdha në Tiranë e Durrës