Boksieri Hadribeaj: Edhe kur të jem kampion bote, do garoj për Shqipërinë

Boksieri Ermal Hadribeaj tha në një intervistë për “Good morning Albanians” në Euronews Albania se gjithmonë do të garojë për Shqipërinë.

Ai u shpreh se edhe kur të jetë kampion bote përsëri do të ngrejë lart flamurin shqiptar dhe nuk do të prezantojë asnjë shtet tjetër.

“Pavarësisht se stërvitem atje unë do të konkurroj gjithmonë për shtetin shqiptar. Nuk është si në Europë që ti konkurron për një shtet sepse të paguan, ke suportin. Detyrimisht nëse të paguan shteti, ti do ta përfaqësosh atë shtet që të ndihmon. Unë dal me flamurin shqiptar. Unë edhe kur të jem kampion bote nuk diskutohet që do prezantoj flamurin shqiptar,” – u shpreh boksieri.

29-vjeçari është kampion i titullit WBC Internacional, WBC Mediterranean dhe WBC North America.

Më 27 korrik, ditën e enjte ndeshet te sheshi “Nënë Tereza” për mbrojtjen e titullit WBC International, të cilin e fitoi edhe në Dubai vitin e kaluar.

LEXONI GJITHASHTU:

• Kampioni i boksit: S’kam humbur asnjë ndeshje në Amerikë, stërvitem 5 orë në ditë
• Boksieri Kristian Prenga nderohet në SHBA, i dorëzohet çmimi ‘çelësi i qytetit’