Boksieri shqiptar pa humbje: Dua të realizoj një ndeshje të rëndësishme në Shqipëri

Boksieri shqiptar Roberto Bakaj, që nuk ka humbur asnjë ndeshje, është shprehur se do të zhvillojë një ndeshje të rëndësishme në Shqipëri verën e vitit të ardhshëm.

I ftuar në emisionin “Good Morning Albanians” në Euronews Albania, Bakaj theksoi se ka pasur shumë kërkesa në Shqipëri për të zhvilluar ndeshje, por fillimisht ka dashur të bëjë sukses në Gjermani.

“Nga vera të zhvillojmë ndonjë titull të fortë botëror. Kërkesat na kanë ardhur, tashmë duhet t’i pranojmë. Ka shumë mundësi që ndeshja për titull do të bëhet në Shqipëri, në Tiranë. Më kanë ardhur kërkesat për në Shqipëri, por nuk e pranova se doja bëja dhe një ndeshje në Gjermani dhe pastaj shpresoj të ndeshemi në Shqipëri. Kam dashur të bëj sukses në Gjermani”- tha ai.

LEXONI GJITHASHTU: 

• Eklipsi i diellit në Maqedoninë e Veriut, fenomeni i rrallë mahnit qytetarët
• Shpëtim Nazarko: Emri i ish-ministrit të Berishës me dosje