“Boll me racizëm”, Iljazaj: Marrëveshjen e Ramës me Melonin nuk e di askush

Gazetari Ervis Iljazaj, ishte këtë të hënë i ftuar në “Now me Erla Mëhillin”, për të komentuar marrëveshjen e firmosur ditën e sotme mes kryeministrit Edi Rama dhe homologes së tij në Itali, Giorgia Melonit për menaxhimin e emigrantëve.

“Jam kundër këtyre teorive, po mbushet vendi me afrikanë, shqiptarët do ikin, po i zëvendësojnë. Këto janë teori qesharake. Nuk është këtu çështja. Hiperbolizimi i akuzës po humbet thelbin dhe vetë akuzën.

Problemi I Shqipërisë nuk është se po pret emigrant këtu, po është se po ikim emigrant vetë. Ky reagimi që shkon në racizëm nuk më pëlqen.

E dyta unë nuk do të isha kundër nëse ky proces do të ishte transparent. Se kjo marrëveshje që u lidh në një konferencë për shtyp dhe nuk e di asnjëri. Dhe tjetra unë nuk shikoj të përfitojë ndonjë gjë Shqipëria, se edhe Turqia mban emigrant, por do miliarda dollar. Argumenti i solidaritetit  që ka gjetur Rama është shumë i dobët”,-tha Iljazaj.

LEXONI GJITHASHTU:

• Guterres tha “Gaza po bëhet varrezë fëmijësh”, reagon ministri izraelit: Turp për ty
• Ukraina pret raport pozitiv nga KE-ja, për rrugën drejt anëtarësimit në BE