Deklarata e fortë e Ngjelës: Të huajt duan të krijojnë Federatë brenda Kosovës! 

Avokati Spartak Ngjela tha në një intervistë për Euronews Albania se e përkrah karakterin patriotik të qeverisë së Albin Kurtit për të mbrojtur territorin e Kosovës.

Ngjela kujtoi se dy shtetet shqiptare në Ballkan janë aleatë të mëdhenj të Uashingtonit përkundër Serbisë që siç tha janë antiamerikanë.

Sipas Ngjelës, nuk mund të lejohet asnjë lloj konfederate serbe në territorin e Kosovës.

“Çështja shqiptare ka lënguar, ka qenë në gjendje të tmerrshme, kemi qenë gati duke u shfarosur. Po të mos kishte dalë presidenti Wilson në ‘19-ën në Paris ne do ishim shfarosur, do ishte shumë e vështirë rimarrja e pavarësisë së Shqipërisë dhe jo më shteti i dytë. Tani ne jemi dy shtete të forta, jemi aleatë i Uashingtonit, s’jemi sllavë. Ata që kërkojë  territoret tona janë antiamerikanë, as e diskutoj, kjo është logjika jonë. Ai është shteti ynë, ka shpëtuar prej tyre, janë të humbur në luftë, akoma s’kanë paguar dëmet që u kanë sjellë shqiptarëve. Unë e përkrah karakterin patriotik të qeverisë së Kosovës; nuk mund të lejohet asnjë lloj kuazi-konfederatë serbe brenda territorit të Kosovës”, tha Ngjela.

LEXONI GJITHASHTU:

• Ngjela thirrje Kurtit: Rezisto! Mos bëj lëshime ndaj Serbisë
• Ngjela zbulon pse SHBA dhe BE i bëjnë presion Kurtit për asosacionin