Borrell këtë javë në Tiranë dhe Shkup

Përfaqësuesi i lartë i Bashkimit Evropian për politikë të jashtme dhe siguri, Joseph Borrell, këtë javë do të vizitojë Shqipërinë dhe Maqedoninë e Veriut.

Fillimisht, ai do të ketë takime me krerët e qeverive të këtyre dy shteteve, në kuadër të Këshillit të Stabilizim Asociimit. Ndërkaq, më 18 mars ai do të organizojë takimin midis kryeministrit të Kosovës, Albin Kurti, dhe presidentit të Serbisë, Aleksandër Vuçiç, në kuadër të dialogut që e lehtëson blloku evropian, shkruan REL.

Burimet në BE thonë se vizitat në Shqipëri dhe Maqedoni të Veriut ishin planifikuar më herët, prandaj edhe kishte lindur ideja që pasi Borrell do të vizitojë rajonin, në Ohër të Maqedonisë së Veriut të zhvillohet takimi i radhës i dialogut mes Kosovës dhe Serbisë.

LEXONI GJITHASHTU:

• Borrell dhe Varhelyi në Tiranë më 16 mars, zbulohet arsyeja
• Borrell: Kurti dhe Vuçiç shprehën gatishmëri për planin evropian