“Bota serbe drejt formimit”! – Paralajmërimi i fortë i analistit

Analisti nga RMV Arben Ratkoceri tha në një intervistë për Euronews Albania se projekti i “botës serbe” ka filluar të realizohet.

Sipas tij bota serbe është një strategji e nisur nga Beogradi në 2006, i ngjashëm me planin serb të ‘91, por që synon të arrihet jo përmes luftës, por përmes diplomacisë.

“Për botën serbe flitet që nga 2006, me këtë temë merren kroatët dhe boshnjakët, ndërsa shqiptarët qëndrojnë në hije. Sipas këtyre teksteve, fitet se është një strategji e re e Serbisë e hartuar që nga 2006, që ka ngjashmëri me planin serb të ’91, por bota serbe nuk duhet të jetësohet me luftë si në ’91, por përmes një diplomacie të butë; kemi Dodik, apo në Mal të Zi ku forcat serbe kanë marrë pushtetin, edhe qeverinë e kanë me Abazoviç. Ndaj bota serbe duket se ka filluar të realizohet, pa harruar edhe faktorizimin e Serbisë në rajon. Vuçiç u refuzua nga Zagrepi dhe përmes Tiranës arriti të futet si lojtar në rajon”, tha analisti.

LEXONI GJITHASHTU:

• KE konfirmon: Liberalizimi i vizave s’vlen për pasaportat që lëshon Serbia
• Dodik paralajmëron shkëputjen e Republikës Sërpska dhe bashkimin me Serbinë