Braimllari: Partia e Lirisë do të garojë për Këshillat Bashkiakë

Sekretari Organizativ në Partinë e Lirisë, Endrit Braimllari deklaroi se kjo forcë politike synon Këshillat Bashkiakë, në zgjedhjet e ardhshme lokale.

Në një intervistë për Euronews Albania, Braimllari u shpreh se Partia e Lirisë do të mbështesë kandidatë e opozitës në 61 bashkitë e vendit, ku nënvizoi se procesi do të ndiqet nga Partia Demokratike.

“Partia e Lirisë e ka bërë të qartë që do të marrë pjesë në zgjedhjet lokale, do të kandidojë fort në Këshillat Bashkiakë. Nga ana tjetër, i kemi konsumuar të gjitha energjitë tona për të pasur një bashkim të figurave opozitare, me qëllim që opozita të dalë e bashkuar.

Në këtë kuadër, ne nuk do të nxjerrim kandidatë për kryetarë bashkie, por ia kemi lënë Partisë Demokratike, si partia kryesore e opozitës. Ne do të kandidojmë fort për Këshillat Bashkiakë, por do të mbështesim kandidatët e opozitës në 61 bashkitë e vendit”, theksoi ai.

LEXONI GJITHASHTU

• Berishës i bashkohet një tjetër deputet: Përgatitemi për primare dhe protesta
• “Babale” bashkon PD-në, Salianji: Ogur i mirë për zgjedhjet vendore
• Rama për pensionistët: Luftë apo jo, do e marrin bonusin e fundvitit