Braktis arrestin në shtëpi, vjedh makinën dhe arratiset, arrestohet adoleshenti

Një 19-vjeçar është arrestuar nga Policia e Elbasanit pasi theu masën e sigurisë “arrest në shtëpi” dhe vodhi një automjet në lagjen “Emin Matraxhiu”

I riu, me inicialet E. B., pasi vodhi automjetin u largua me të drejt Tiranës.

Policia reagoi menjëherë, duke bërë të mundur lokalizimin dhe kapjen e tij në rrugën “Kastriotët”, në kryeqytet.

Nga verifikimet rezultoi se 19-vjeçari kishte thyer masën e sigurisë “arrest në shtëpi”, të vendosur më herët nga Gjykata e Elbasanit për vepra të mëparshme të “vjedhjes”. Gjithashtu, gjatë kontrollit, u konstatua se ai po drejtonte automjetin e vjedhur pa leje drejtimi.

Ndaj 19-vjeçarit u mor masa e arrestit për veprat penale “Largimi i të burgosurit nga vendi i qëndrimit”, “Vjedhja” dhe “Drejtimi i automjetit në mënyrë të parregullt”.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.

LEXONI GJITHASHTU:

• Alibej dëshmon ndaj Plarent Dervishaj: Çfarë më tha pas atentatit ndaj prokurorit
• “Betohem në Kuran, ta fal gjakun” Alibej dëshmon në GJKKO, zbulon bisedat me Dumanin
• Bandat e Elbasanit dhe tregu i kokainës, dëshmon Alibej: Si nisi përplasja me Çopjat