Brenda 2 vitesh bullgarët do përfshihen në kushtetutën e RMV-së, thotë ministri

Pak ditë më parë, Kuvendi i Maqedonisë së Veriut miratoi propozimin francez për zgjidhjen e kontestit me Bullgarinë, çka i mundësoi sot hapjen e negociatave me Bashkimin Evropian.

Tanimë, të drejtat e bullgarëve në Maqedoninë e Veriut duhet të përfshihen në kushtetutë.

Në një intervistë për “Euronews Albania” nga Brukseli, ministri për Shoqërinë e Informacionit dhe Administratën në RMV, Admirim Aliti tha është planifikuar që ndryshimet kushtetuese të bëhen brenda dy viteve.

Ai theksoi se do të ndryshojë vetëm preambula, ku do të theksohet se përveç maqedonasve dhe shqiptarëve, në RMV jetojnë edhe nacionalitete të tjera, si bullgarët.

“Kur jemi te ndryshimet kushtetuese, planifikimet tona janë që brenda dy vitesh të bëhen ndryshimet kushtetuese dhe shpresojmë se deri në afat të gjithë faktorët politikë do të binden se kjo është më e mira për Maqedoninë e Veriut dhe shpresojmë se nuk do të kemi opozitë ndaj atyre ndryshimeve kushtetuese.

Planifikimi është që të ndryshohet preambula ku ne si shtet konfirmojmë se përveç maqedonasve dhe shqiptarëve, ka edhe nacionalitete të tjera të cilët jetojnë në Maqedoninë e Veriut”, u shpreh Aliti.

LEXONI GJITHASHTU

• ‘Bullgarët nuk do të ndalen’, qytetarët në RMV skeptikë për negociatat me BE-në
• Historike nëse parashikojmë një datë për fillimin e punimeve, thotë Kovaçevski